CENTRO DE ESTUDOS DO CORGO

"PALIMOCO TEATRO" NO CORGO

2011-07-15T06:30:00.001+02:00

A A.C. Arumes do Corgo, o Centro de Estudos do Corgo (CEC) e a Área de Cultura e Turismo da deputación de Lugo organizan dúas actuacións do grupo "Palimoco Teatro" no concello do Corgo.

A actuación titulada "Queres que cho conte?" (integrada no proxecto "Cultura sobre rodas") é unha actividade interdisciplinar de gran calidade, na que se mestura dinamicamente a literatura oral, o teatro, a danza e a música, cun obxectivo común, achegar os contos tradicionais das nosas terras ao público infantil, dun xeito entretido e divertido.

O CORGO

- Lugar: Centro Sociocultural

- Data: mércores, 20 de xullo de 2011

- Hora: 11:30 h

CELA

- Lugar: Ponte de Neira (se o tempo é bo) ou Local Social de Cela (se o tempo non é tan bo)

- Data: xoves, 21 de xullo de 2011

- Hora: 19:30 h

PRESENTACIÓN DA CORGA Nº 2 EN SARGADELOS

2011-06-07T09:25:00.004+02:00

O día 6 de xuño presentouse na Galería Sargadelos de Lugo, ás 20:00 h o número 2 da revista Corga do Centro de Estudos do Corgo.

A orde de intervencións foi a seguinte:

Mª Consuelo Vázquez Castro (presidenta do CEC): "Apertura do acto e presentación dos fins e actividades do Centro de Estudos do Corgo".
Roberto Rodríguez Páramo (secretario do CEC): "A revista Corga".
Javier Gómez Vila (socio do CEC): "O Camiño Real de acceso a Galicia e a súa pegada nas Terras do Corgo".

PRESENTACIÓN DO 2º NÚMERO DA REVISTA CORGA

2011-05-27T23:20:00.002+02:00

O luns, día 6 de xuño de 2011, realizarase a presentación do número 2 da revista Corga na Galería Sargadelos de Lugo (sita na praza de Santo Domingo nº 4) ás 20:00 h. Animámoste a asistir así como que convides aos teus achegados.

4º EXPOSICIÓN DE TRABALLOS

2011-04-16T23:48:00.006+02:00

O Centro de Estudos do Corgo (CEC) organizou hoxe, sábado, unha xornada de relatorios sobre o concello do Corgo. No centro sociocultural, ás 20:00 e co apoio económico da Vicepresidencia Primeira da Deputación de Lugo e do Concello do Corgo e coa colaboración da Asociación Cultural Arumes do Corgo desenvolvéronnse os seguintes relatorios:

- Xosé Manuel CASTRO CASTEDO: “O galego en Queizán. Vocalismo, consonantismo e fonética sintáctica”.

- Jesús ABUÍN ARIAS e Josefa GONZÁLEZ DÍAZ: “O pazo do corgo”.

- José Luis GARROSA GUDE: “O traballo compilador de Francisco Vázquez Saco: as oracións de elaboración do pan e outras tradicións orais do Corgo”.

- Mario OUTEIRO IGLESIAS: “Recollida do patrimonio inmaterial no Corgo: unha materia pendente”.

Os traballos foron aprobados polo Comité Científico e polos socios do Centro de Estudos do Corgo polo que supoñen a incorporación como socios numerarios da entidade aos catro primeiros relatores (Mario Outeiro Iglesias é socio numerario dende hai 1 ano e este traballo representa o segundo publicado).

Ao final da presentación o público asistente tivo a oportunidade de interaccionar cos relatores preguntando tanto cuestións sobre o resultado dos seus estudos como do procedimento para levalos a cabo.

Na foto aparecen de esquerda a dereita:

Mario OUTEIRO IGLESIAS (relator)
Josefa GONZÁLEZ DÍAZ (relatora)
Jesús ABUÍN ARIAS (relator)
Xosé Manuel CASTRO CASTEDO (relator)
José Luis GARROSA GUDE (relator)
Mª Consuelo VÁZQUEZ CASTRO (presidenta do CEC)

3º EXPOSICIÓN DE TRABALLOS

2011-04-05T09:17:00.009+02:00

O sábado, 2 de abril de 2011, no Centro Sociocultural do Corgo, ás 20:00 h, o Centro de Estudos do Corgo celebrou o ciclo de relatorios denominado "Coñecemos O Corgo III".

As exposicións de traballos prolongaranse durante o mes de abril e serviaralles aos relatores para a adquisición da condición de socios/as numerarios do Centro de estudos do Corgo (CEC).

Con intervencións breves, de 20-30 minutos, os relatores conseguiron crear ao final do acto un coloquio sobre as temáticas tratadas no que participou todo o público asistente.

O programa de presentación de traballos foi o seguinte:

• Javier GÓMEZ VILA: “O camiño real de acceso a Galicia e a súa pegada nas Terras do Corgo”.

• Juan ORTIZ SANZ e Miguel Ángel PIÑEIRO GÓMEZ: “Catalogación de construcións rurais tradicionais. Os hórreos no concello do Corgo”.

• José Manuel BLANCO PRADO: “O santuario da Virxe das Virtudes (Pedrafita)”.

O Ciclo de conferencias "Coñecemos O Corgo III" e "Coñecemos O Corgo IV" (a desenvolver o sábado, 16 de abril de 2011) conta coa colaboración da A.C. Arumes do Corgo, a Vicepresidencia Primeira da Deputación de Lugo e o Concello do Corgo.

COÑECEMOS O CORGO IV

2011-03-16T00:04:00.000+01:00

O sábado, 16 de abril de 2011, celebrarase o cuarto ciclo de conferencias arredor do concello do Corgo no Centro Sociocultural do Corgo ás 20:00 h. Nesta ocasión os relatorios serán:

Xosé Manuel CASTRO CASTEDO: “O galego en Queizán. Vocalismo, consonantismo e fonética sintáctica”.
Jesús ABUÍN ARIAS e Josefa GONZÁLEZ DÍAZ: “O pazo do corgo”.
José Luis GARROSA GUDE: “O traballo compilador de Francisco Vázquez Saco: as oracións de elaboración do pan e outras tradicións orais do Corgo”.
Mario OUTEIRO IGLESIAS: “Recollida do patrimonio inmaterial no Corgo: unha materia pendente”.

COÑECEMOS O CORGO III

2011-03-15T23:59:00.001+01:00

O sábado, 2 de abril de 2011, o Centro de Estudos do Corgo coa colaboración de Arumes, organiza o terceiro ciclo de conferencias arredor do concello do Corgo no Centro Sociocultural do Corgo ás 20:00 h. En quendas de 15-20 minutos os temas a tratar son:

Javier GÓMEZ VILA: “O camiño real de acceso a Galicia e a súa pegada nas Terras do Corgo”.
Juan ORTIZ SANZ e Miguel Ángel PIÑEIRO GÓMEZ: “Catalogación de construcións rurais tradicionais. Os hórreos no concello do Corgo”.
José Manuel BLANCO PRADO: “O santuario da Virxe das Virtudes (Pedrafita)”.

Con esta exposición,e todo o traballo previo, os relatores poderán acadar a condición de Socio Numerario do Centro de Estudos do Corgo.

REVISTA CORGA Nº 1

2011-03-15T23:54:00.003+01:00

ÍNDICE

E NACE O C.E.C...

Mario OUTEIRO IGLESIAS. Estudo das sepulturas antropoides altomedievais.

Mº Beatriz PÁRAMO IGLESIAS, Roberto RODRÍGUEZ PÁRAMO. Jota tres estrellas.

Javier GÓMEZ VILA. A vía romana no concello do Corgo.

Xosé Enrique CASANOVA SÁNCHEZ. Fórmulas de propiedade comunal dos montes do Corgo.

Laura FOUZ BACARIZA. As cifras do concello do Corgo. Análise xeográfica.

Rebeca FERNÁNDEZ ALONSO. Ánxel Fole e o concello do Corgo.

Alejandra PITA PARDO. A microtoponimia do concello do Corgo.

MEMORIA DE ACTIVIDADES DA A.C. ARUMES DO CORGO

NORMAS DE PUBLICACIÓN

PRESENTACIÓN DA REVISTA CORGA EN SARGADELOS

2011-03-15T23:48:00.004+01:00

O Centro de Estudos do Corgo (CEC) realizou a presentación do número 1 da revista Corga, o mércores 2 de xuño de 2010, ás 20:00 h, na Sala que Sargadelos posúe na tenda de Santo Domingo, arroupados polos autores dos artigos que formaron parte da mesma e unha manchea de persoas interesadas.

A apertura do acto correu a cargo do Vicepresidente Primeiro da Deputación de Lugo, Antón Bao Abelleira. Logo a presidenta do CEC, Mª Consuelo Vázquez Castro, presentou o Centro de Estudos do Corgo, os seus fins e obxectivos e o labor que realiza. O secretario do CEC, Roberto Rodríguez Páramo presentou a revista Corga e en concreto o primeiro número. Por último o autor dun dos traballos que conformaron a revista, Mario Outeiro Iglesias, presentou o seu artigo: “Estudo das Sepulturas Antropoides Altomedievais".

Interventores na presentación da revista Corga en Sargadelos

A revista do CEC foi maquetada por Grafinco e ten como ISSN 2171-6013 e Depósito Legal LU 149-2010. O primeiro número sae cunha tiraxe de 750 exemplares e conta coa colaboración económica da Vicepresidencia Primeira da Deputación de Lugo.

Público asistente á presentación do número 1 da revista Corga

COÑECEMOS O CORGO

2011-03-15T23:37:00.006+01:00

Dende o Centro de Estudos do Corgo decidimos bautizar a cada unha das exposicións de traballos para acadar o grao de socio/a numerario/a, como ciclo de relatorios "Coñecemos o Corgo". Despois dos dous primeiros ciclos podemos facer a valoración de que resultaron moi interesantes para o público asistente pola calidade dos contidos presentados e pola exposición dinámica e fluída dos relatores. Ao remate das exposicións, as persoas alí presentes tiveron a oportunidade de preguntar e comentar todas as dúbidas que lles xurdiron e os autores contestaron con moito interese de clarificar e resolver as inquedanzas do público.

A continuación expoñemos algunhas fotografías dos eventos:

Presentación do relatorio de Laura Fouz

Público asistente ao segundo ciclo de conferencias

Relatores dos ciclos de conferencias (e polo tanto os primeiros socios numerarios do CEC) co Vicepresidente Primeiro da Deputación de Lugo e o Alcalde do Corgo

PRESENTACIÓN DE TRABALLOS PARA ADQUISICIÓN DA CONDICIÓN DE SOCIO/A NUMERARIO/A

2010-04-16T22:22:00.001+02:00

O sábado, 17 de abril de 2010, ás 19:45 h no Centro Sociocultural do Corgo realizarase a presentación dos primeiros traballos de investigación co fin de acadar a condición de socio/a numerario/a. Cunha duración aproximada de 15-20 min, o programa de conferencias é o seguinte:

- Mario OUTEIRO IGLESIAS: Estudo das sepulturas antropoides altomedievais.
- Xosé Enrique CASANOVA SÁNCHEZ: Fórmulas de propiedade comunal dos montes do Corgo.
- Laura FOUZ BACARIZA: As cifras do concello do Corgo. Análise xeográfica.

A presentación de traballos continuará o seguinte sábado, 24 de abril de 2010, ás 19:45 h no Centro Sociocultural do Corgo. Os traballos a presentar son:

- Mº Beatriz PÁRAMO IGLESIAS e Roberto RODRÍGUEZ PÁRAMO: Jota tres estrellas.
- Javier GÓMEZ VILA: A vía romana no concello do Corgo.
- Rebeca FERNÁNDEZ ALONSO: Ánxel Fole e o concello do Corgo.
- Alejandra PITA PARDO: A microtoponimia do concello do Corgo.

MODIFICACIÓN DO RRI

2010-01-28T23:46:00.003+01:00

O día 27 de xaneiro de 2010 aprobouse por unanimidade dos socios, en Asemblea Xeral Extraordinaria, modificar o artigo 43 do Regulamento de Réxime Interno (RRI), que rexe a extensión dos traballos.

Prema nos seguintes enlaces para ver o novo RRI, así como as normas de admisión e publicación derivadas do mesmo:

O C.E.C. CONTRA O DECRETAZO DO GALEGO

2010-01-20T20:40:00.004+01:00

O Centro de Estudos do Corgo é unha entidade creada co fin de traballar en prol da cultura e do patrimonio do concello do Corgo e en xeral de Galiza. Como sabedes é a lingua galega a obra colectiva de maior riqueza do noso Pobo, e polo tanto obxecto de promoción pola nosa Asociación.

O C.E.C., como parte integrante da Plataforma QUEREMOS GALEGO apoia todas cantas accións realice este colectivo en favor da lingua e en especial a folga xeral no ensino (día 21 de xaneiro de 2010) con todas as concentracións paralelas contra o borrador do Decreto que pretende poñer a lápida ao noso máis prezado ben.

A XUNTA DIRECTIVA

EXCURSIÓN Á RIBEIRA SACRA, KM 0 (MARTES, 1 DE DECEMBRO DE 2009)

2009-11-30T22:50:00.003+01:00

Saída ás 9:15 h en fronte do Centro Sociocultural do Corgo. Visita ao Pazo de San Marcos (recepción no salón de actos da Deputación), obradoiro no Centro de Artesanía e Deseño e excursión pola Ribeira Sacra (adega, Proendos, miradoiro de cadeiras) onde realizaremos o xantar. Chegada aproximada ás 20:30 h.

ESTA ACTIVIDADE REALÍZASE CONXUNTAMENTE COA ASOCIACIÓN CULTURAL ARUMES DO CORGO

http://arumescorgo.blogspot.com/

FAITE SOCIO E COLABORA

2009-07-16T19:04:00.004+02:00

O concello do Corgo precisa de xente inqueda intelectualemente e disposta a traballar, investigando ou compartindo traballos xa feitos, de múltiples temáticas cun mesmo denominador, O Corgo e a súa contorna.

Anímate a integrarte no Centro de Estudos do Corgo!!!

Se queres saber como facelo, preme no seguinte enlace:

Normas de admisión e publicación (modificadas o 27 de xaneiro de 2010)

A continuación tes toda a documentación precisa para facelo:

CARNÉ DE IDENTIDADE

2009-04-10T11:20:00.007+02:00

Nome: Centro de Estudos do Corgo (C.E.C.)
Data de constitución: sábado, 28 de marzo de 2009
Correo-e: ocorgo@gmail.com
Páxina web: http://ocorgo.blogspot.com/
Teléfono: 699 170 169
Enderezo: Antigas Escolas do Corgo s/n; C.P. 27.163 O Corgo (Lugo)
Estatutos
Regulamento de Réxime Interno (modificado o 27 de xaneiro de 2010)

LIMIAR

2009-04-10T10:44:00.001+02:00

O pasado 28 de marzo de 2009 un grupo de persoas inquedas deciden crer unha asociación cos seguintes fins:

a) Promover diferentes estudos (patrimonio natural, material e inmaterial, arte, lingua e literatura, xeografía e historia, economía, sociedade e educación…) sobre o concello do Corgo.
b) A divulgación dos estudos realizados entre os habitantes do concello.
c) A formación dos/as socios/as e dos/as corgueses/as sobre as áreas de estudo a nivel supralocal.
d) A defensa en xeral da cultura e da lingua de Galiza.

Chamaríase Centro de Estudos do Corgo (C.E.C.) e o seu nacemento traería consigo as seguintes actividades:

a) Recompilación de toda a información posíbel sobre o concello do Corgo nun arquivo/biblioteca (en papel e en formato dixital).
b) Publicación dunha revista anual (por escrito) con artigos sobre O Corgo.
c) Publicación dun sitio web con estudos sobre O Corgo.
d) Realización de cursos, xornadas, conferencias sobre as áreas de estudo para os socios e abertas ao público en xeral.
e) Promoción de bolsas de investigación.

Unha asociación sen ánimo de lucro na que os socios non aportan unha cantidade económica en forma de cota senón coñecemento sobre O Corgo arredor dos seguintes eixes de estudo:

1. Patrimonio natural
· Flora
· Fauna
· Ecosistemas
· Medioambiente
2. Patrimonio material
· Pontes
· Sartegos
· Cruceiros e petos de ánimas
· Pombais
· Muíños e caneiros
· Casas senlleiras e pazos
· Igrexas e capelas
· Castros e mámoas
· Camiños e vías
· Fontes e lavadoiros
· Conxuntos etnográficos
3. Patrimonio inmaterial
· Lendas
· Contos
· Festas
4. Arte
· Artistas e arte (ceramistas, escultores...).
· Oficios tradicionais (ferreiros, oleiros, teceláns, cesteiros...)
5. Lingua e literatura
· O galego do Corgo
· Escritores
· O Corgo na literatura
· Toponimia e microtoponimia
6. Xeografía e historia
· Montes, vales, ríos...
· Xeoloxía
· Historia
· Clima
7. Economía
· Agricultura
· Gandaría (feiras...)
· O monte
· Industria
8. Sociedade e educación
· Paro
· Estrutra familiar
· Poboación
· Educación
· Deporte
· Teleclubs...